Get the latest news at
your fingertips!
Download our app now
LIVE TV
Search
വിവാദങ്ങൾക്കിടെ വിൻ സി അലോഷ്യസും ഷൈൻ ടോം ചാക്കോയും പ്രധാന കഥാപാത്രങ്ങളാകുന്ന ചിത്രത്തിന്‍റെ ഫസ്റ്റ് ലുക്ക് പുറത്തുവന്നു. സൂത്രവാക്യം എന്ന ചിത്രത്തിന്‍റെ പോസ്റ്ററാണ് പുറത്തുവന്നിരിക്കുന്നത്. സിനിമയുടെ പോസ്റ്റര്‍ വിന്‍ സിയും ഷെെന്‍ ടോം ചാക്കോയും സോഷ്യല്‍ മീഡിയയില്‍ പങ്കുവെച്ചിട്ടുണ്ട്.
അതേസമയം, സൂത്രവാക്യം സിനിമയുടെ ലൊക്കേഷനില്‍ വെച്ച് ഷെെൻ ടോം ചാക്കോയില്‍ നിന്നും മോശം അനുഭവം നേരിടേണ്ടി വന്നുവെന്ന് ചൂണ്ടിക്കാട്ടിയാണ് വിൻ സി ഫിലിം ചേംബറിന് പരാതി നൽകിയിരിക്കുന്നത്. സിനിമയുടെ ആഭ്യന്തര പരാതി കമ്മിറ്റിക്കും പരാതി നല്‍കിയിട്ടുണ്ട്.
'ലഹരി ഉപയോഗിച്ച പ്രധാന നടനില്‍ നിന്നും മോശം അനുഭവം ഉണ്ടായി. അയാള്‍ സെറ്റിലിരുന്ന് വെള്ളപൊടി തുപ്പി. ലഹരി ഉപയോഗിക്കുന്നവര്‍ക്കൊപ്പം ഇനി അഭിനയിക്കില്ല', എന്നായിരുന്നു വിന്‍സിയുടെ വെളിപ്പെടുത്തല്‍. ആദ്യം നടന്‍റെ പേര് വിൻ സി വെളിപ്പെടുത്തിയിരുന്നില്ല. പിന്നീട് സിനിമാ സംഘടനകള്‍ക്ക് സംഭവത്തില്‍ പരാതി നല്‍കിയതിന് പിന്നാലെയാണ് ഷെെന്‍ ടോം ചാക്കോയുടെ പേര് പുറത്തുവന്നത്.
അതേസമയം, യൂജിൻ ജോസ് ചിറമേൽ തിരക്കഥയെഴുതി സംവിധാനം ചെയ്ത സൂത്രവാക്യം എന്ന സിനിമ നിർമിക്കുന്നത് ശ്രീകാന്ത് കാന്ദ്രഗുള ആണ്. ദീപക് പറമ്പോലും ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്. റെജിൻ എസ് ബാബു ആണ് സിനിമയുടെ കഥ ഒരുക്കുന്നത്. സിനിമാബന്ദി പ്രൊഡക്ഷൻസ്, കാന്ദ്രഗുള ലാവണ്യ റാണി പ്രൊഡക്ഷൻസ് ആണ് സിനിമ അവതരിപ്പിക്കുന്നത്. ശ്രീറാം ചന്ദ്രശേഖരൻ ഛായാഗ്രഹണം നിർവഹിക്കുന്ന സിനിമയുടെ എഡിറ്റിംഗ് കൈകാര്യം ചെയ്യുന്നത്. നിതീഷ് കെടിആർ ആണ്. ചിത്രത്തില്‍ പൊലീസ് വേഷത്തിലാണ് ഷെെന്‍ ടോം ചാക്കോ എത്തുന്നത് എന്നാണ് പോസ്റ്റര്‍ നല്‍കുന്ന സൂചന.
Content Highlights: Soothravakyam first look starring Vincy and Shine Tom Chacko out now
